မဗေဒါ သောင်စပ်က၊ လှောင်တတ်ပေလေး။
ကျူရိုးရှင် ပီပီအားနဲ့၊ လူကြွားတဲ့လေး။
လှောင်ရက်ပေ့ ဗေဒါခင်။
ဒီချောင်းရေ ကျွန်းမြေဖွား၊ ငါးငယ်မျှပင်။
ကျူရိုးတံရှင်၊ ကြွားချင်လို့ဟုတ်ဘဲ။
ရွက်ရိုးဖြူ ကျူပလွေနဲ့
ကျူရိုးဖေ ငယ်စဉ်ကတည်း၊ ကျွမ်းခဲ့လို့ပဲ။
မဗေဒါ သောင်စပ်က၊ လှောင်တတ်ပေလေး။
ကျူရိုးရှင် ပီပီကော့နဲ့၊ လူကြော့တဲ့လေး။
လှောင်ရက်ပေ့ ဗေဒါခင်။
ဒီချောင်းမြေ ချောင်းရေလမ်း၊ ပန်းလှပြာစင်။
ကျူရိုးတံရှင်၊ ကြော့ချင်လို့ဟုတ်ဘဲ။
ဒီလှိုင်း ထံတျာနဲ့
မဗေဒါ မယ့်ဟန်ပွဲ၊ လွမ်းခဲ့လို့ပဲ။
မဗေဒါ သောင်စပ်က၊ လှောင်တတ်ပေလေး။
ကျူရိုးရှင် ပီပီတေးနဲ့၊ လူငေးတဲ့လေး။
လှောင်ရက်ပေ့ ဗေဒါခင်။
နားမနေ ဒီရေစီးမှာ၊ ဟီးတိုက်လို့ပင်။
ကျူရိုးတံရှင်၊ ငေးချင်လို့ဟုတ်ဘဲ။
စုန်ချည် ဆန်ချည်နဲ့
ဗေဒါရီ မယ့်ဖြစ်နည်း၊ နွမ်းခဲ့လို့ပဲ။ ။
// မန္တလေးတက္ကသိုလ် နှစ်ပတ်လည်မဂ္ဂဇင်း (၁၉၅၉ – ၁၉၆၀)